2023ൽ ദുബായിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് (ജിഡിആർഎഫ്എ ദുബായ്) നൽകിയ ഗോൾഡൻ വിസകളുടെ എണ്ണം 158,000 ആയി. 10 വർഷം വരെ നീണ്ടുനിൽക്കുന്ന വിസകളാണ് ഗോൾഡൻ വിസകൾ.
2022ൽ വിതരണം ചെയ്ത ഗോൾഡൻ വിസകളുടെ എണ്ണവുമായി താരതമ്യപ്പെടുത്തുമ്പോൾ കഴിഞ്ഞ വർഷത്തെ എണ്ണം ഇരട്ടിയോളമായി. 2022ൽ വിതരണം ചെയ്തത് 79,617 വിസകളായിരുന്നു.
2021ൽ നൽകിയത് 47,150 വിസകളായിരുന്നുവെന്നും ജിഡിആർഎഫ്എ ദുബായ് ഡയറക്ടർ ജനറൽ ലെഫ്റ്റനൻ്റ് ജനറൽ മുഹമ്മദ് അഹമ്മദ് അൽ മർറി പറഞ്ഞു.
