ഹ​റ​മി​ൽ 15 ഹൃ​ദ​യ പു​ന​രു​ജ്ജീ​വ​ന ഉ​പ​ക​ര​ണ​ങ്ങ​ൾ സ​ജ്ജീ​ക​രി​ച്ചു

മ​ക്ക ഹ​റ​മി​ൽ 15 ഹൃ​ദ​യ പു​ന​രു​ജ്ജീ​വ​ന ഉ​പ​ക​ര​ണ​ങ്ങ​ൾ സ​ജ്ജീ​ക​രി​ച്ചു. ഹൃ​ദ​യ​സം​ബ​ന്ധ​മാ​യ അ​സു​ഖ​മു​ള്ള​വ​ർ​ക്ക്​ അ​ടി​യ​ന്ത​ര സാ​ഹ​ച​ര്യ​ത്തി​ൽ ന​ൽ​കേ​ണ്ട പ്രാ​ഥ​മി​ക ചി​കി​ത്സ സേ​വ​ന​ത്തി​നായാണ് ഉപകരണങ്ങൾ സജ്ജീകരിച്ചിരിക്കുന്നത്. തീ​ർ​ഥാ​ട​ക​ർ ഏ​റ്റ​വും കൂ​ടു​ത​ൽ ഒ​രു​മി​ച്ച്​ കൂ​ടു​ന്ന സ്ഥ​ല​ങ്ങ​ളി​ലാ​ണ്​ ഉപകരണങ്ങളുടെ സ്ഥാനം. പ്ര​ധാ​ന വാ​തി​ലു​ക​ൾ​ക്ക​ടു​ത്തും മ​ത്വാ​ഫി​ലും സൗ​ദി വി​പു​ലീ​ക​ര​ണ ഭാ​ഗ​ത്തും അ​ഞ്ച്​ വീ​തം ഉ​പ​ക​ര​ണ​ങ്ങ​ളും ഘടിപ്പിച്ചിട്ടുണ്ട്.

ക​ഴി​ഞ്ഞ വ​ർ​ഷം ഹൃ​ദ​യ പു​ന​രു​ജ്ജീ​വ​ന ഉ​പ​ക​ര​ണ​ങ്ങ​ൾ 19 കേ​സു​ക​ൾ​ക്ക്​ ഉ​പ​യോ​ഗ​പ്പെ​ടു​ത്തിയെന്നാണ് റിപ്പോർട്ട്‌. ഹൃ​ദ​യ​സ്തം​ഭ​ന​മു​ണ്ടാ​വു​ക​യോ അ​ല്ലെ​ങ്കി​ൽ ഹൃ​ദ​യ​ത്തി​​ന്റെ പ്ര​വ​ർ​ത്ത​നം കു​റ​യുകയോ ബു​ദ്ധി​മു​ട്ട്​ നേ​രി​ടു​ന്ന​തോ ആ​യ സാ​ഹ​ച​ര്യ​ത്തി​ൽ വ്യ​ക്തി​ക​ളു​ടെ ജീ​വ​ൻ ര​ക്ഷി​ക്കാ​ൻ ഉ​പ​യോ​ഗി​ക്കു​ന്ന മെ​ഡി​ക്ക​ൽ ഉ​പ​ക​ര​ണ​ങ്ങ​ളി​ൽ പ്ര​ധാ​ന​മാ​ണ്​ കാ​ർ​ഡി​യാ​ക് റീ​സ​സി​റ്റേ​ഷ​ൻ ഉ​പ​ക​ര​ണ​ങ്ങ​ൾ. ഹ​റ​മി​ലെ​ത്തു​ന്ന തീ​ർ​ഥാ​ട​ക​രു​ടെ സു​ര​ക്ഷ​യും സൗ​ക​ര്യ​വും ഉ​റ​പ്പു​വ​രു​ത്തു​ന്ന​തി​​ന്റെ ഭാ​ഗ​മാ​യാ​ണ്​ ഇ​ത്ത​രം മെ​ഡി​ക്ക​ൽ, എ​മ​ർ​ജ​ൻ​സി സേ​വ​ന​ങ്ങ​ൾ സജ്ജമാക്കിയിരിക്കുന്നത്. ഇ​തി​ലൂ​ടെ ഏ​ത് ആ​രോ​ഗ്യ അ​ടി​യ​ന്ത​രാ​വ​സ്ഥ​യും കൈ​കാ​ര്യം ചെ​യ്യാ​ൻ കഴിയും. കൂടാതെ ആ​വ​ശ്യ​മാ​യ സ​മ​യ​ങ്ങ​ളി​ൽ തീ​ർ​ഥാ​ട​ക​ർ​ക്ക്​ ആ​വ​ശ്യ​മാ​യ പ​രി​ച​ര​ണം ന​ൽ​കാ​നും സാ​ധി​ക്കും.