മസ്‌കറ്റ് ഡ്യൂട്ടി ഫ്രീ 100,000 ഡോളർ ‘ദി ബിഗ് ക്യാഷ് ടിക്കറ്റ്’ നറുക്കെടുപ്പ് വിജയിയെ പ്രഖ്യാപിച്ചു. 1936 –ാം നമ്പർ ടിക്കറ്റിന്റെ ഉടമയായ പ്രവാസി മലയാളി പി.അനിൽ കുമാറാണ് വിജയി. മസ്‌കറ്റ് ഡ്യൂട്ടി ഫ്രീയിൽ ‘ദി ബിഗ് ക്യാഷ് ടിക്കറ്റ്’ രണ്ടാം നറുക്കെടുപ്പിന്റെ ഒന്നാം സമ്മാനമാണ് അനിൽ കുമാറിന് ലഭിച്ചിരിക്കുന്നത്. നറുക്കെടുപ്പില്‍ വിജയിയായതോടെ അനിൽ കുമാറിന്റെ ജീവിതം ഇപ്പോൾ മാറിമറിഞ്ഞിരിക്കുകയാണ്.
100,000 ഡോളറിന്റെ വിജയിയായെന്ന് ഇപ്പോഴും വിശ്വസിക്കാൻ കഴിയുന്നില്ല. ഒരു ടിക്കറ്റ് മാത്രം വാങ്ങി മസ്‌കത്ത് ഡ്യൂട്ടി ഫ്രീയിലൂടെ വിജയി ആവാനുള്ള അവസരം കിട്ടിയത് ഒരു സ്വപ്നം പോലെ തോന്നുന്നു. സമ്മാനമായി ലഭിച്ച തുക കൊണ്ട് സ്വന്തമായൊരു വീട് വയ്ക്കണമെന്നാണ് ആഗ്രഹമെന്നും അനിൽകുമാർ പറഞ്ഞു. മസ്‌കറ്റ് എയർപോർട്ടിലൂടെ യാത്ര ചെയ്യുമ്പോഴോ www.muscatdutyfree.com എന്ന വെബ്‌സൈറ്റിലൂടെയോ ടിക്കറ്റ് വാങ്ങാം. കൂടാതെ രണ്ട് റാഫിൾ ടിക്കറ്റുകൾ വാങ്ങുമ്പോൾ 10% കിഴിവും ലഭിക്കും.
