ഒമാൻ ദേശീയദിനാഘോഷങ്ങളുടെ ഭാഗമായി വാഹനങ്ങൾ അലങ്കരിക്കാൻ താത്കാലിക അനുമതി നൽകി റോയൽ ഒമാൻ പൊലീസ്. നവംബർ 30 വരെയാണ് പൊതുജനങ്ങൾക്ക് വാഹനങ്ങളിൽ സ്റ്റിക്കർ പതിക്കാൻ അനുവാദം നൽകിയിരിക്കുന്നത്.
ഈ കാലയളവിൽ വാഹനത്തിന്റെ നിറം മാറ്റാൻ അനുമതി ഇല്ല. അതോടൊപ്പം ഗതാഗത സുരക്ഷ ലംഘിക്കുന്ന തരത്തിലുള്ള സ്റ്റിക്കറുകളും നിരോധിച്ചിട്ടുണ്ട്. നിർദേശങ്ങൾ ലംഘിക്കുന്നവർക്കെതിരെ കർശനമായ നടപടി സ്വീകരിക്കുമെന്ന് പൊലീസ് മുന്നറിയിപ്പ് നൽകി.
വാഹനങ്ങളിൽ സ്റ്റിക്കർ പതിക്കുമ്പോൾ വിൻഡോ ഗ്ലാസ്, നമ്പർ പ്ലേറ്റ്, ലൈറ്റുകൾ എന്നിവിടങ്ങളിൽ സ്റ്റിക്കറുകൾ പതിക്കാൻ പാടില്ലെന്നാണ് നിർദേശം. പിൻവശത്തെ ഗ്ലാസിൽ പതിക്കുന്ന സ്റ്റിക്കർ ഡ്രൈവർക്ക് പിൻവശത്തെ വിൻഡോയിലെ ദൃശ്യങ്ങൾ കാണാൻ അനുവദിക്കുന്ന തരത്തിലുള്ളതായിരിക്കണമെന്നും അധികൃതർ വ്യക്തമാക്കി.
