ചെറിയ പെരുന്നാളിനോടനുബന്ധിച്ച് ആകാശ യാത്ര നടത്തി യുഎഇ വൈസ് പ്രസിഡൻ്റും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം. ഹെലികോപ്റ്ററിൽ പറന്ന് ദുബായ് നഗരത്തിന്റെ അതിമനോഹരമായ കാഴ്ചകളാണ് അദ്ദേഹം ആസ്വദിച്ചത്.
ദുബായ് പാം ജുമൈറയുടെ മുകളിലൂടെയാണ് ഷെയ്ഖ് മുഹമ്മദ് സഞ്ചരിച്ചത്. നിഷ്കളങ്കതയോടെ പുഞ്ചിരിതൂകി തന്റെ സ്വന്തം നഗരത്തെ വീക്ഷിക്കുന്ന ആദ്ദേഹത്തിന്റെ ദൃശ്യങ്ങൾ സാമൂഹ്യമാധ്യമങ്ങളിലൂടെ പങ്കുവെയ്ക്കപ്പെടുകയും ചെയ്തു. വീഡിയോ അതിവേഗം സാമൂഹ്യമാധ്യമങ്ങളിൽ വൈറലുമായി.
തന്റെ മനോഹരമായ യാത്രയ്ക്ക് ശേഷം അബുദാബിയിലെത്തി യുഎഇ പ്രസിഡൻ്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനുമായി ഷെയ്ഖ് മുഹമ്മദ് കൂടിക്കാഴ്ചയും നടത്തി. യുഎഇയിലെ ജനങ്ങൾക്കും അറബ് ലോകത്തിനും ഇസ്ലാമിക രാഷ്ട്രങ്ങൾക്കും അദ്ദേഹം ഈദ് ആശംസകൾ നേരുകയും ചെയ്തു.
