ഫ്ലൈറ്റ് സമയത്തിലെ കൃത്യനിഷ്‌ഠയുടെ കാര്യത്തിൽ വീണ്ടും ലോകത്ത് ഒന്നാം സ്ഥാനത്തെത്തി സൗദി ദേശീയ വിമാന കമ്പനിയായ സൗദിയ. വിമാന സർവീസുകൾ നിരീക്ഷിക്കുന്ന സ്വതന്ത്ര ഏജൻസിയായ സിറിയം ജൂലൈ മാസത്തെ വിമാന സർവീസുകളുമായി ബന്ധപ്പെട്ട് പുറത്തുവിട്ട റിപ്പോർട്ടിലാണ് സൗദിയ ഒന്നാം സ്ഥാനം കരസ്ഥമാക്കിയത്.
ഡിപ്പാർച്ചർ സമയത്തിൽ 88.12 ശതമാനവും അറൈവൽ സമയത്തിൽ 88.15 ശതമാനവും കൃത്യനിഷ്‌ഠയാണ് സൗദിയ കഴിഞ്ഞ മാസം കൈവരിച്ചത്. തുടർച്ചയായി രണ്ടാം മാസമാണ് സൗദിയ ഈ നേട്ടം സ്വന്തമാക്കുന്നത്. ജൂണിലും ഫ്ലൈറ്റ് സമയത്തിലെ കൃത്യനിഷ്ഠയിൽ ലോകത്ത് ഒന്നാം സ്ഥാനത്തായിരുന്നു സൗദിയ.
ലോകത്തിലെ നാല് ഭൂഖണ്ഡങ്ങളിലെ 100-ലധികം നഗരങ്ങളിലേക്ക് 16,503 സർവീസുകളാണ് സൗദിയ കഴിഞ്ഞ മാസം നടത്തിയത്.
