കുറഞ്ഞ കാലയളവിനുള്ളിൽ മലയാളം സിനിമയിൽ തന്റെതായ സ്ഥാനം നേടിയെടുത്ത താരമാണ് നിഖില വിമൽ. സിനിമക്ക് പുറമെ ഇന്റർവ്യൂകളിൽ കുറിക്കു കൊള്ളുന്ന മറുപടികൾ നൽകുന്ന നടി സമൂഹമാധ്യമങ്ങളിൽ ശ്രദ്ധ നേടുന്നുമുണ്ട്. അത്തരത്തിൽ മേപ്പടിയാൻ എന്ന സിനിമയുമായി ബന്ധപ്പെട്ട് നിഖില പറഞ്ഞ ചില കാര്യങ്ങൾ ഇപ്പോൾ ചർച്ചയായിരിക്കുകയാണ്. മേപ്പാടിയാൻ എന്ന സിനിമയിൽ തനിക്ക് അഭിനയിക്കാൻ ഒരു തേങ്ങയും ഇല്ലായിരുന്നു എന്നാണ് താരം തുറന്നടിച്ചത്.
“മേപ്പടിയാൻ എന്ന സിനിമയിൽ എനിക്ക് അഭിനയിക്കാൻ ഒന്നും ഇല്ലായിരുന്നു. സ്ക്രിപ്റ്റ് ചോദിച്ചപ്പോൾ കുത്തിവരച്ച് ഇട്ടിരിക്കുകയാണെന്നാണ് പറഞ്ഞത്. അപ്പോൾ എനിക്ക് മനസിലായി ഈ സിനിമയിൽ എനിക്ക് അഭിനയിക്കാൻ ഒരു തേങ്ങയും ഇല്ല എന്ന്. അതുകൊണ്ടാണ് മേപ്പടിയാനിൽ അഭിനയിക്കാതിരുന്നത്” എന്നാണ് നിഖില പറഞ്ഞത്.
ഇതോടെ നിഖിലയുടെ വാക്കുകൾ സോഷ്യൽ മീഡിയയിൽ വൈറലാക്കുകയും ചെയ്തു. താരത്തെ വിമർശിച്ച് നിരവധി പേർ രംഗത്ത് എത്തിയിരുന്നു. നിഖില വേഷം നിരസിച്ചതോടെ അഞ്ജു മേപ്പടിയാനിൽ അഭിനയിക്കുകയായിരുന്നു.
