നല്ലൊരു ജോലിയാണോ നിങ്ങൾ അന്വേഷിക്കുന്നത്? എങ്കിൽ സുവർണാവസരമൊരുക്കുകയാണ് ദുബായിൽ നടക്കുന്ന കരിയർ ഫെയർ. ഇന്ന് നടക്കുന്ന കരിയർ ഫെയറിൽ 100ലധികം പോർക്കാണ് ഉറപ്പായ ജോലി വാഗ്ദാനം ചെയ്യുന്നത്. ടൈംസ് സ്‌ക്വയർ സെൻ്ററിൽ വെച്ച് രാവിലെ 10 മുതൽ ഉച്ചയ്ക്ക് 2 വരെയാണ് കരിയർ ഫെയർ സംഘടിപ്പിക്കപ്പെടുക.
എച്ച്ആർ, കോർപ്പറേറ്റ്, ബ്യൂട്ടി ആന്റ് വെൽനസ്, ഹെൽത്ത്‌കെയർ, ക്ലിനിക്കുകൾ, റിയൽ എസ്റ്റേറ്റ് തുടങ്ങിയ മേഖലകളിലായാണ് വിവിധ കമ്പനികൾ ഉദ്യോഗാർത്ഥികളെ നിയമിക്കുക. കിംഗ്‌സ്റ്റൺ സ്റ്റാൻലി, ടിപ്‌സ് ആന്റ് ടോസ്, ലീഡർ ഹെൽത്ത്‌കെയർ, റിച്ച്‌മണ്ട് ക്യാപിറ്റൽ, ആൾസോപ്പ് ആന്റ് ആൾസോപ്പ്, ചൽഹൗബ് ഗ്രൂപ്പ്, ജിനി റിക്രൂട്ട്‌മെൻ്റ്, പാരിസിമ ടാലൻ്റ്, ദി ലോഫ്റ്റ് 5-ആം അവന്യൂ, ഡിഎസ്ആർ ഗ്രൂപ്പ് തുടങ്ങി 28 കമ്പനികളും വിവിധ മേഖലകളിൽ നിന്നുള്ള റിക്രൂട്ടർമാരും മേളയിൽ പങ്കെടുക്കുകയും ഉദ്യോഗാർത്ഥികളെ നിയമിക്കുകയും ചെയ്യുന്നത്.
ടിഷ് ടാഷ് കമ്മ്യൂണിക്കേഷൻസും ടൈംസ് സ്‌ക്വയർ സെൻ്ററും സംയുക്തമായാണ് കരിയർ ഫെയർ സംഘടിപ്പിക്കുന്നത്. 300-ലധികം തൊഴിലന്വേഷകർ മേളയിൽ പങ്കെടുക്കുമെന്നാണ് പ്രതീക്ഷിക്കുന്നത്. ഫെയറിലെത്തുന്ന ഉദ്യോഗാർത്ഥികർക്ക് എല്ലാ റിക്രൂട്ടർമാരെയും നേരിട്ട് കാണാനും സംസാരിക്കാനും വർക്ക്ഷോപ്പുകളിൽ പങ്കെടുക്കാനുമുള്ള അവസരവും ഒരുക്കിയിട്ടുണ്ട്.
