കാവ്യ മാധവന്റെ വസ്ത്ര വ്യാപാര സ്ഥാപനമായ ‘ലക്ഷ്യ’യുടെ മോഡലായെത്തി ദിലീപിന്റെയും മഞ്ജു വാര്യരുടെയും മകൾ ഡോ. മീനാക്ഷി ദിലീപ്. മീനാക്ഷി തന്നെയാണ് ഇതിന്റെ ചിത്രങ്ങൾ ഇൻസ്റ്റഗ്രാമിലൂടെ ആരാധകരുമായി പങ്കുവെച്ചത്. ഈ ചിത്രങ്ങൾക്ക് മഞ്ജു ലൈക്കടിക്കുകയും ചെയ്തു. മഞ്ജു വാര്യരുടെ ലൈക്ക് തന്നെയാണ് ഇപ്പോൾ സോഷ്യൽ മീഡിയയിലെ പ്രധാന ചർ‌ച്ച.
മെറൂൺ കുർത്തിയിൽ അതിസുന്ദരിയായാണ് മീനാക്ഷി എത്തിയിരിക്കുന്നത്. ബീഡ്സും ഗോൾഡൻ സരിയും ഉപയോഗിച്ച് ഹാൻഡ് എംബ്രോയിഡറി ചെയ്ത കുർത്തയാണ് താരപുത്രി അണിഞ്ഞിരിക്കുന്നത്. നിരവധി കമന്റുകളാണ് മീനാക്ഷിയുടെ ഫോട്ടോയ്ക്ക് വന്നുകൊണ്ടിരിക്കുന്നത്. മഞ്ജുവിനൊപ്പം ഉള്ള ഫോട്ടോ കാണാൻ ആഗ്രഹമുണ്ടെന്ന് നിരവധി ആരാധകരാണ് കമന്റ് ചെയ്തിരിക്കുന്നത്.
ഡാൻസിൽ മഞ്ജുവിനെ പോലെ തന്നെ താൽപ്പര്യമുള്ള മീനാക്ഷി ഇടയ്ക്ക് സമൂഹമാധ്യമങ്ങളിൽ തന്റെ ഡാൻസ് വീഡിയോകൾ പങ്കുവെയ്ക്കാറുമുണ്ട്. ദിലീപുമായുള്ള വിവാഹ ശേഷം സിനിമയിൽ നിന്ന് വിട്ടുനിൽക്കുന്ന കാവ്യ ലക്ഷ്യയുടെ ബിസിനസുമായി മുന്നോട്ടുപോകുകയാണ്.
