വിദേശികൾക്ക് ആരോഗ്യ ഇൻഷുറൻസ് പദ്ധതിയുമായി ഷാർജ. ഷാർജ ഭരണാധികാരിയും സുപ്രീം കൗൺസിൽ അംഗവുമായ ഡോ. ഷെയ്‌ഖ് സുൽത്താൻ ബിൻ മുഹമ്മദ് അൽ ഖാസിമിയാണ് ഷാർജയിൽ താമസിക്കുന്ന വിദേശികൾക്ക് ആരോഗ്യ ഇൻഷുറൻസ് പദ്ധതി പ്രഖ്യാപിച്ചത്.
നിലവിൽ സ്വദേശികൾക്കും ആശ്രിതർക്കുമാണ് എമിറേറ്റിൽ സൗജന്യ ഇൻഷുറൻസ് നൽകുന്നത്. 2025 ജനുവരി 1 മുതൽ വിദേശികൾക്ക് ആരോഗ്യ ഇൻഷുറൻസ് നിർബന്ധമാക്കാനിരിക്കേയാണ് പുതിയ പ്രഖ്യാപനം.
ഇൻഷുറൻസ് പദ്ധതി ഉടൻ ലഭ്യമാക്കുമെന്നാണ് ഷാർജ ഭരണാധികാരി പ്രഖ്യാപിച്ചത്. അതിനാൽ പുതിയ തീരുമാനം ഇന്ത്യക്കാർ ഉൾപ്പെടെയുള്ളവർക്ക് ആശ്വാസമാകും.
