ഇന്ത്യയുടെ 77-ാം സ്വാതന്ത്ര്യദിനം സമുചിതമായി ആഘോഷിക്കാനൊരുങ്ങി ഗൾഫ് ഇന്ത്യൻ പ്രവാസികൾ. ഇന്ത്യൻ കോൺസുലേറ്റിന്റെ നേതൃത്വത്തിൽ വിപുലമായ ആഘോഷ പരിപാടികളാണ് യുഎഇയിൽ ഉൾപ്പെടെ നടത്തുന്നത്. മൂന്ന് ദിവസം നീണ്ടുനിൽക്കുന്ന ആഘോഷപരിപാടികളിൽ പ്രമുഖ വ്യക്തിത്വങ്ങൾ പങ്കെടുക്കും. ദേശീയ പതാക ഉയർത്തൽ, രാഷ്ട്രപതിയുടെ സന്ദേശം വായന, കലാ-സാംസ്കാരിക പരിപാടികൾ തുടങ്ങിയവയാണ് സംഘടിപ്പിക്കപ്പെടുക.
ദുബായ് ഇന്ത്യൻ കോൺസുലേറ്റിൽ ഇന്ത്യയുടെ സ്വാതന്ത്ര്യദിനാഘോഷം വിപുലമായിത്തന്നെ സംഘടിപ്പിക്കപ്പെടും. നാളെ രാവിലെ 7.30 ന് പതാക ഉയർത്തലോടെയാണ് ആഘോഷങ്ങൾ ആരംഭിക്കുക. മസ്കത്ത് ഇന്ത്യൻ എംബസിയിൽ സ്വാതന്ത്ര്യദിനാഘോഷം രാവിലെ 7 മണിക്ക് ആരംഭിക്കും. ഇന്ത്യൻ അംബാസിഡർ അമിത് നാരംഗ് പതാക ഉയർത്തും. തുടർന്ന് വിവിധ കലാപരിപാടികളും സംഘടിപ്പിക്കപ്പെടും.
