ദുബായ് സമ്മർ സർപ്രൈസസ് എത്തുന്നു. വൻവിലക്കുറവിൽ സാധനങ്ങൾ വാങ്ങാൻ ഒരവസരം. ജൂൺ 28 വെള്ളിയാഴ്ച ദുബായ് വേനൽക്കാല ഫ്ലാഷ് സെയിലിൽ 90% വരെ കിഴിവ് നേടാം. നൂറിലധികം പ്രമുഖ ബ്രാൻഡുകളും പ്രാദേശിക ബ്രാൻഡുകളുമാണ് മേളയുടെ ഭാഗമാകുന്നത്.
വെള്ളിയാഴ്ച രാവിലെ 10 മണിക്കാണ് ഓഫർ സെയിൽ ആരംഭിക്കുക. 12 മണിക്കൂർ സമയം മാത്രമാണ് ഫ്ലാഷ് സെയിൽ പ്രഖ്യാപിച്ചിട്ടുള്ളത്. ബ്യൂട്ടി പ്രൊഡക്ടുകളും ഗൃഹോപകരണങ്ങളും തുണിത്തരങ്ങളും ഉൾപ്പടെ എന്തും ഈ സമയത്ത് വൻ വിലക്കുറവിൽ ലഭ്യമാകും.
മാൾ ഓഫ് എമിറേറ്റ്സ്, സിറ്റി സെൻ്റർ മിർദിഫ്, സിറ്റി സെൻ്റർ ദെയ്‌റ, സിറ്റി സെൻ്റർ Me’aisem, സിറ്റി സെൻ്റർ അൽ ഷിന്ദഗ എന്നീ ഷോപ്പിംഗ് മാളുകളും മേളയുടെ ഭാഗമാകും. 300 ദിർഹമോ അതിൽ കൂടുതലോ ചിലവാക്കുന്നവർക്ക് മാളുകളിലെ സ്പിൻ ദി വീൽ ആക്ടിവേഷൻ സോണിലേക്ക് പോകാനും ആകർഷകമായ സമ്മാനം നേടാനും കഴിയും.
