2023-ലെ ആദ്യ പത്ത് മാസങ്ങളിൽ ദുബായിൽ എത്തിയ വിനോദ സഞ്ചാരികളുടെ എണ്ണത്തില്‍ വന്‍ വര്‍ദ്ധന. 13.9 ദശലക്ഷം അന്താരാഷ്ട്ര സന്ദർശകരാണ് ഈ വര്‍ഷം ഒക്ടോബര്‍ വരെ എത്തിയത്. കഴിഞ്ഞ വർഷം ഇതേ കാലയളവിൽ 11.4 ദശലക്ഷം അന്താരാഷ്ട്ര യാത്രക്കാരാണ് എത്തിയത്. കഴിഞ്ഞ വർഷങ്ങളിലെ കണക്ക് അനുസരിച്ച് 22% വളർച്ചയാണ് രേഖപ്പെടുത്തിയത്.
ദുബായില്‍ പ്രവര്‍ത്തിക്കുന്ന എല്ലാ ഹോട്ടലുകളിലെയും താമസ നിരക്ക് 76 ശതമാനമായി . 2022 ലെ ഇതേ കാലയളവില്‍ ഇത് 71 ശതമാനം ആയിരുന്നു.
ഈ വർഷം ജനുവരി മുതൽ ഒക്ടോബർ വരെയുള്ള കാലയളവിൽ ദുബായിലേക്ക് എത്തിയതിൽ ഏറ്റവും കൂടുതൽ ടൂറിസ്റ്റുകൾ ഇന്ത്യയിൽ നിന്നാണ്. 1.99 ദശലക്ഷം ആളുകളാണ് എത്തിയത്. യുണൈറ്റഡ് കിംഗ്ഡത്തിൽ നിന്ന് 954 ആയിരം വിനോദയാത്രക്കാർ എത്തി.
