സൗദിയുടെ പൈതൃക നഗരത്തിൽ കുടുംബത്തോടൊപ്പം അവധിക്കാലം ആഘോഷിച്ച് സൗദി അൽ നസർ ഫുട്ബോൾ ക്ലബിൻ്റെ താരമായ ക്രിസ്റ്റ്യാനോ റൊണാൾഡോ. തന്റെ പങ്കാളി ജോർജിന റോഡ്രിഗസിനും കുടുംബത്തിനുമൊപ്പമായിരുന്നു അദ്ദേഹത്തിൻ്റെ വിനോദയാത്ര.
സൗദി അറേബ്യയുടെ വടക്കുപടിഞ്ഞാറൻ ഭാഗത്തുള്ള അൽ ഉല എന്ന പൈതൃക നഗരത്തിലാണ് ഇപ്പോൾ ക്രിസ്റ്റ്യാനോയും കുടുംബവും. അൽ ഉലയിലെ വിവിധ ചരിത്ര സ്ഥലങ്ങളിൽ നിന്നുള്ള ചിത്രങ്ങൾ റൊണാൾഡോ തൻ്റെ ഔദ്യോഗിക ഇൻസ്റ്റാഗ്രാം അക്കൗണ്ടിലൂടെ ആരാധകരുമായി പങ്കുവെക്കുകയും ചെയ്തു. ചിത്രങ്ങൾ ഇതിനോടകം സാമൂഹ്യമാധ്യമങ്ങളിൽ വൈറലായിട്ടുമുണ്ട്.
സൗദി അറേബ്യയുടെ സാംസ്‌കാരിക – പുരാവസ്തു സമ്പന്നതയേക്കുറിച്ചും റൊണാൾഡോ സാമൂഹ്യമാധ്യമങ്ങളിൽ കുറിച്ചിട്ടുണ്ട്. സൗദി സംസ്‌കാരത്തെയും പൈതൃകത്തെയും കുറിച്ച് കൂടുതൽ അറിയാനുള്ള റൊണാൾഡോയുടെ താൽപര്യത്തെ ആരാധകർ അഭിനന്ദിക്കുകയാണ്.
