ക്രിസ്റ്റ്യാനൊ റൊണാൾഡോയും
മാഞ്ചസ്റ്റർ യുണൈറ്റഡും തമ്മിലുള്ള കരാർ റദ്ദാക്കി.
മാഞ്ചസ്റ്റർ താരമായി ഇനി ക്രിസ്റ്റ്യാനൊ ഉണ്ടാകില്ലെന്ന് ക്ലബ്ബ് ഔദ്യോഗികമായി പ്രഖ്യാപിച്ചു.
പരസ്പര ധാരണയോടെയാണ് കരാർ റദ്ദാക്കിയതെന്നാണ് പുറത്തു വരുന്ന റിപ്പോർട്ടുകൾ.
മിസ്റ്റ്യാനോയും ക്ലബ്ബും തമ്മിൽ സ്വരച്ചേർച്ചയിൽ അല്ലെന്ന സൂചനകൾ നേരത്തെ പുറത്തുവന്നിരുന്നു. തന്നെ പുകച്ചു പുറത്തു ചാടിക്കാനുള്ള ശ്രമങ്ങൾ നടക്കുന്നതായി കഴിഞ്ഞ ദിവസം താരം തുറന്നടിച്ചിരുന്നു. കോച്ച് എറിക് ടെൻ ഗാഗിനെതിരേയും സഹതാരങ്ങൾക്ക്
എതിരേയുമാണ് വിമർശനം ഉയർന്നത്. ഇതോടെ പ്രശ്നം വഷളാവുകയായിരുന്നു.
ലോകകപ്പിന് ശേഷം ക്ലബ്ബിന്റെ പരിശീലന ക്യാമ്പിലേക്ക് റൊണാൾ ഡൊ തിരികെ വരേണ്ടതില്ല എന്ന് ക്ലബ്ബ് നിർദേശം നൽകിയിരുന്നതായും റിപ്പോർട്ടുകൾ ഉണ്ട്. റൊണാൾഡോ ക്ലബിന് നൽകിയ സംഭാവനക്ക് നന്ദി എന്നും മാഞ്ചസ്റ്റർ യുണൈറ്റഡിന്റെ ഔദ്യോഗിക പ്രഖ്യാപനത്തിൽ പറഞ്ഞു..
താൻ വഞ്ചിക്കപ്പെട്ടതായാണ് താരം അഭിമുഖത്തിൽ വെളിപ്പെടുത്തിയത്. കോച്ചും സഹകളിക്കാരും തന്നെ അവഗണിക്കുന്നതായും റൊണാൾഡൊ സൂചിപ്പിച്ചിരുന്നു.
യുവന്റസുമായുളള ദീർഘകാലത്തെ കരാർ അവസാനിപ്പിച്ചതിന് ശേഷം കഴിഞ്ഞ വർഷമാണ് റൊണാൾഡോ മാഞ്ചസ്റ്റർ യുണൈറ്റഡിലെത്തിയത്.
നിലവിൽ പോർച്ചുഗൽ ടീമിൽ ലോകകപ്പ് തിരക്കിലാണ് ക്രിസ്റ്റ്യാനൊ റൊണാൾഡൊ.
