സൗദിയില്‍ ഉപഭോക്തൃ ചെലവുകള്‍ വര്‍ധിച്ചതായി റിപ്പോർട്ട്‌. സെപ്തംബറില്‍ മൂന്ന് ശതമാനം തോതില്‍ ഉപഭോക്തൃ ചിലവ് വര്‍ധിച്ചതായി സൗദി ദേശീയ ബാങ്കായ സാമയാണ് റിപ്പോര്‍ട്ട് പുറത്ത് വിട്ടത്. എന്നാൽ ഉല്‍പന്നങ്ങളുടെ ഉപഭോകം വര്‍ധിച്ചത് കായിക വിനോദ മേഖലകളിലെ പരിപാടികളും ചിലവ് വര്‍ധനവിന് ഇടയാക്കി. സെപ്തംബറില്‍ കഴിഞ്ഞ വര്‍ഷത്തെ ഇതേ കാലയളവിനെ അപേക്ഷിച്ച് മൂന്ന് ശതമാനത്തിന്റെ വര്‍ധനവാണ് രേഖപ്പെടുത്തിയത്.
സെപ്തംബറില്‍ 106.6 ബില്യണ്‍ റിയാലാണ് വിവിധ മേഖലകളിലായി ഉപഭോകതൃ ചിലവ് രേഖപ്പെടുത്തിയത് . 2022 സെപ്തംബറിൽ ഇത് 104 ബില്യണ്‍ ആയിരുന്നിടത്താണ് വര്‍ധനവുണ്ടായിരിക്കുന്നത്. 2023 ജനുവരി മുതല്‍ ഈ മേഖലയില്‍ വലിയ വര്‍ധനവ് അനുഭവപ്പെട്ടു തുടങ്ങി. ഇലക്ട്രോണിക് മെഷീനുകള്‍ വഴിയാണ് പ്രധനമായും ഇടപാടുകള്‍ നടക്കുന്നത്.
