കെഎസ്‌ആർടിസി ബസിൽ വെച്ച്‌ സഹയാത്രക്കാരിയോട് അപമര്യാദയായി പെരുമാറിയ കോമഡി താരം അറസ്റ്റിൽ. ടിവി സ്റ്റേജ് കോമഡി താരം ബിനു ബി കമാൽ (40) ആണ് അറസ്റ്റിലായത്.
തിരുവനന്തപുരത്തു നിന്നും നിലമേലിലേക്ക് പോകുന്ന ബസിൽ വെച്ചാണ് വിദ്യാർത്ഥിനിയോട് മോശമായി പെരുമാറിയത്. വിദ്യാർത്ഥിനിയെ കടന്നുപിടിച്ച്‌ അപമര്യാദയായി പെരുമാറിയെന്നാണ് പരാതി. ശല്യം സഹിക്കാനാകാത്തതിനെത്തുടർന്ന് പെൺകുട്ടി ബഹളം വെച്ചു. ഇതോടെ ബസ് നിർത്തിയപ്പോൾ പ്രതി ബസിൽ നിന്നും ഇറങ്ങിയോടുകയായിരുന്നു.
ബിനുവിനെ പിന്നീട് വട്ടപ്പാറ ശീമമുള മുക്കിൽനിന്നു പൊലീസ് കസ്റ്റഡിയിൽ എടുക്കുകയായിരുന്നു. വട്ടപ്പാറ പൊലീസ് അറസ്റ്റ് രേഖപ്പെടുത്തി.
