നടൻ നിർമൽ ബെന്നി അന്തരിച്ചു. ഹൃദയാഘാതത്തേ തുടർന്നായിരുന്നു താരത്തിന്റെ വേർപാട്. ലിജോ ജോസ് പെല്ലിശ്ശേരി സംവിധാനം ചെയ്‌ത ആമേൻ എന്ന ചിത്രത്തിൽ കൊച്ചച്ചനായി എത്തി പ്രേക്ഷകരുടെ ശ്രദ്ധേ നേടിയ താരമാണ് നിർമൽ ബെന്നി.
നിർമാതാവ് സഞ്ജയ് പടിയൂർ ആണ് നിർമലിന്റെ മരണവാർത്ത സാമൂഹ്യ മാധ്യമങ്ങളിലൂടെ അറിയിച്ചത്. കൊമേഡി വേഷങ്ങൾ അവതരിപ്പിച്ച് സിനിമയിലെത്തിയ നിർമൽ യുട്യൂബ് വിഡിയോകളിലൂടെയും സ്റ്റേജ് ഷോകളിലൂടെയും പ്രേക്ഷകരുടെ ശ്രദ്ധ നേടുകയായിരുന്നു.
2012-ൽ നവാഗതർക്ക് സ്വാഗതം എന്ന സിനിമയിലൂടെയാണ് നിർമൽ തന്റെ സിനിമാ കരിയർ ആരംഭിച്ചത്. തുടർന്ന് ആമേൻ, ദൂരം എന്നിവയുൾപ്പെടെ അഞ്ച് ചിത്രങ്ങളിൽ താരം വേഷമിട്ടിട്ടുണ്ട്. തൃശൂർ ചേർപ്പു സ്വദേശിയാണ്.
