ഷാർജ റോള – ദുബായ് എയർപോർട്ട് 313 ബസ് റൂട്ടിൽ നാല് പിക് അപ്പ് പോയിന്റുകൾ ഉൾപ്പെടുത്തുമെന്ന് റോഡ്സ് ട്രാൻസ്പോർട്ടേഷൻ അതോറിറ്റി. ഷാർജയിലെ റോള സ്റ്റേഷനിൽ നിന്ന് അൽ നഹ്ദ, ഫ്രീ സോൺ, ദുബായ് ഇന്റർനാഷണൽ എയർപോർട്ടിലെ ഗേറ്റ് 2 എന്നിവിടങ്ങളിലേക്ക് പോകുന്ന 313 ബസ് റൂട്ടിലാണ് നാല് പിക്ക് അപ്പ് പോയിന്റുകൾ കൂടി ഉൾപ്പെടുത്തുന്നത്.
അൽ ഖസ്ബ, പുൾമാൻ ഹോട്ടൽ 2, അൽ അൻസാരി എക്സ്ചേഞ്ച് 2, സയന്റിഫിക് ക്രിയേറ്റിവിറ്റി സെന്റർ 1 എന്നിങ്ങനെ നാല് പിക്ക് അപ്പ് പോയിന്റുകളാണ് കൂട്ടിച്ചേർക്കുക. ജൂലൈ 25 മുതലാണ് പുതിയ പിക്ക് അപ്പ് പോയിന്റുകൾ നിലവിൽ വരിക. ഷാർജയിലെ താമസക്കാർക്ക് ദുബായ് ഇന്റർനാഷണൽ എയർപോർട്ടിലേക്കുള്ള സുഗമമായ യാത്ര പ്രദാനം ചെയ്യുന്നതിന്റെ ഭാഗമാണ് പുതിയ പരിഷ്കരണമെന്ന് ഷാർജ റോഡ്സ് ട്രാൻസ്പോർട്ടേഷൻ അതോറിറ്റി അറിയിച്ചു.
