മണിപ്പൂരിലെ സ്ത്രീകൾക്കെതിരായ അതിക്രമത്തെ വിമർശിച്ച് ബോളിവുഡ് നടി പ്രിയങ്ക ചോപ്ര രംഗത്ത്. സ്ത്രീകൾക്കെതിരയുള്ള ആക്രമണത്തിൽ നടപടിയെടുക്കാൻ വീഡിയോ വൈറലാകേണ്ടി വന്നുവെന്ന് പ്രിയങ്ക കുറ്റപ്പെടുത്തി. അതിന് വേണ്ടി വന്നത് 77 ദിവസവും വേണ്ടിവന്നു. ഇൻസ്റ്റഗ്രാമിലൂടെയാണ് നടിയുടെ പ്രതികരണം പുറത്തു വന്നത്.
സ്ത്രീകളെ കരുവാക്കുന്ന നടപടി അനുവദിക്കാനാകില്ല. ഒരു ന്യായീകരണങ്ങൾക്കും അടിസ്ഥാനമില്ലെന്ന് പ്രിയങ്ക ചോപ്ര പ്രതികരിച്ചു. നീതിക്കായി കൂട്ടായി ശബ്ദമുയർത്തണണമെന്നും പ്രിയങ്കചോപ്ര പറഞ്ഞു.
അതേസമയം, മണിപ്പൂരിലുണ്ടായ സംഘർഷങ്ങളിൽ രൂക്ഷ പ്രതികരണവുമായി അനുപം ഖേറും രംഗത്തെത്തിയിട്ടുണ്ട്. സംഭവം പൈശാചികമായ പ്രവർത്തിയാണെന്നും വളരെ ലജ്ജാകരമാണെന്നും നടൻ ട്വീറ്റ് ചെയ്തു.
