മമ്മൂട്ടി കമ്പനി നിർമ്മിക്കുന്ന അഞ്ചാമത്തെ ചിത്രം അണിയറയിൽ ഒരുങ്ങുന്നു. ചിത്രത്തിന്റെ ടൈറ്റിൽ നാളെ പ്രഖ്യാപിക്കും. രാവിലെ എട്ട് മണിക്ക് ചിത്രത്തിന്റെ പ്രഖ്യാപനമുണ്ടാകുമെന്ന് മമ്മൂട്ടി തന്നെയാണ് സോഷ്യൽ മീഡിയയിലൂടെ അറിയിച്ചത്. ചിത്രവുമായി ബന്ധപ്പെട്ട കൂടുതൽ വിവരങ്ങളൊന്നും നിലവിൽ പുറത്തുവിട്ടിട്ടില്ല.
നൻപകൽ നേരത്ത് മയക്കം, റോഷാക്ക്, കാതൽ, കണ്ണൂർ സ്ക്വാഡ് എന്നീ ചിത്രങ്ങളാണ് മമ്മൂട്ടി കമ്പനി ഇതുവരെ നിർമ്മിച്ചത്. ചുരുങ്ങിയ കാലത്തിനുള്ളിൽ ജനശ്രദ്ധ നേടിയ പ്രൊഡക്ഷൻ ഹൗസായി മാറാൻ മമ്മൂട്ടി കമ്പനിക്ക് സാധിച്ചു. റോബി വർഗീസ് രാജ് സംവിധാനം ചെയ്ത കണ്ണൂർ സ്ക്വാഡ് ആണ് അവസാനമായി മമ്മൂട്ടി കമ്പനി നിർമ്മിച്ച ചിത്രം. മികച്ച പ്രേക്ഷക പ്രതികരണം നേടി ബോക്സോഫീസിൽ മുന്നേറുന്ന കണ്ണൂർ സ്ക്വാഡ് 75 കോടിക്ക് മുകളിലാണ് കളക്ഷൻ നേടിയത്.
