യുഎഇയിലെ ഭീമ ജ്വല്ലേഴ്സിന്റെ പത്താം വാർഷികത്തിന്റെ ഭാഗമായി അവതരിപ്പിച്ച ‘ഗോ ഗോൾഡ്, ഡ്രൈവ് ബോൾഡ് വിത്ത് ഭീമ’ മത്സരത്തിൽ വിജയിയെ പ്രഖ്യാപിച്ചു. വിജയിയായ ദുബായിലെ രശ്മി ദെജപ്പയ്ക്ക് ഗ്രാൻഡ് പ്രൈസായ നിസ്സാൻ പട്രോൾ കാറാണ് സമ്മാനമായി ലഭിച്ചത്. ഷാർജ അൽ നഹ്ദയിലെ ഭീമ ഷോറൂമിൽ വച്ചാണ് സമ്മാനം കൈമാറിയത്.
ഒരു മാസം നീണ്ടുനിന്ന ക്യാംപയിനാണ് സമാപനമായത്. യുഎഇയിലെ എല്ലാ ഭീമ ഷോറൂമുകളിലും നടന്ന ക്യാംപയിനിന്റെ നറുക്കെടുപ്പ് ദുബായ് ഡിപ്പാർട്ട്മെന്റ് ഓഫ് ഇക്കണോമിക് ഡെവലപ്മെന്റാണ് നിർവഹിച്ചത്. ക്യാംപയിനിന്റെ ഭാഗമായി ഭീമ, എക്സ്ക്ലൂസീവ് റിവാർഡുകളും ഗോൾഡ് കോയിൻ ഗിവ് എവെയും ഉപയോക്താക്കൾക്ക് നൽകിയിരുന്നു.
യുഎഇയിൽ ഭീമ ഉപയോക്താക്കളുടെ എണ്ണം വർധിച്ചത് കണക്കിലെടുത്ത് അടുത്ത മൂന്ന് വർഷത്തിനുള്ളിൽ 15 പുതിയ സ്റ്റോറുകൾ രാജ്യത്ത് തുടങ്ങാൻ തീരുമാനിച്ചിരിക്കുകയാണ് ഭീമ. അതോടൊപ്പം ഖത്തർ, ബഹ്റൈൻ തുടങ്ങിയ രാജ്യങ്ങളിലും ബസിനസ് വ്യാപിപ്പിക്കാനാണ് പദ്ധതി.
