ഉമ്മുൽ ഖുവൈനിൽ ട്രാഫിക് പിഴകളിൽ 50 ശതമാനം ഇളവ് പ്രഖ്യാപിച്ചു. ഉമ്മുൽ ഖുവൈൻ പൊലീസാണ് ഡിസംബർ 1 മുതൽ 2025 ജനുവരി 5 വരെ 50 ശതമാനം ട്രാഫിക് പിഴയിൽ ഇളവ് പ്രഖ്യാപിച്ചത്. 53-ാമത് യുഎഇ ദേശീയ ദിനാഘോഷങ്ങൾക്ക് മുന്നോടിയായാണ് പ്രഖ്യാപനം.
2024 ഡിസംബർ 1-ന് മുമ്പ് ഉമ്മുൽ ഖുവൈൻ എമിറേറ്റിൽ നടക്കുന്ന എല്ലാ ട്രാഫിക് നിയമലംഘനങ്ങൾക്കും ഈ തീരുമാനം ബാധകമാണ്. വാഹനങ്ങൾ പിടിച്ചെടുക്കൽ, ട്രാഫിക് ബ്ലാക്ക് പോയിൻ്റുകൾ എന്നിവ റദ്ദാക്കുകയും ചെയ്യും. എന്നാൽ ഗുരുതരമായ ലംഘനങ്ങൾക്ക് ഇളവ് ഉണ്ടാകില്ലെന്നും ഉമ്മുൽ ഖുവൈൻ പൊലീസ് അറിയിച്ചു.
അജ്മാൻ പൊലീസും ട്രാഫിക് പിഴകളിൽ ഇളവ് പ്രഖ്യാപിച്ചിരുന്നു. നവംബർ 4 മുതൽ ഡിസംബർ 15 വരെയുള്ള ട്രാഫിക് പിഴകളിൽ 50 ശതമാനം കിഴിവാണ് പ്രഖ്യാപിച്ചത്. ഒക്ടോബർ 31-ന് മുമ്പ് എമിറേറ്റിൽ നടത്തുന്ന എല്ലാ പിഴകൾക്കും ഇളവ് ലഭിക്കും.
