സംസ്ഥാന സർക്കാരിൻ്റെ ലഹരിവിരുദ്ധ ക്യാമ്പയിൻ്റെ ഭാഗമായി ഇന്ന് ലക്ഷങ്ങൾ അണിനിരക്കുന്ന ലഹരിവിരുദ്ധ ശൃംഖല സംഘടിപ്പിക്കും. ഉച്ചയ്ക്ക് 3 മണിക്ക് ഓരോ വാർഡിലെ വിദ്യാലയങ്ങളും ഓഫീസുകളും കേന്ദ്രീകരിച്ചാണ്‌ ശൃംഖല തീർക്കുക.
തിരുവനന്തപുരത്ത് മുഖ്യമന്ത്രി പിണറായി വിജയൻ സംസ്ഥാനതല ഉദ്ഘാടനം നിർവഹിക്കും. ഗാന്ധി പാർക്ക് മുതൽ അയ്യൻകാളി സ്ക്വയർ വരെ അഞ്ച്‌ കിലോമീറ്റർ നീളത്തിൽ മന്ത്രിമാരും ജനപ്രതിനിധികളും കാൽ ലക്ഷത്തോളം വിദ്യാർഥികളും പൊതുജനങ്ങളും അണിചേരും.
ഒക്ടോബർ ആറിന്‌ തുടങ്ങിയ ക്യാമ്പയിൻ്റെ ആദ്യഘട്ടമാണ്‌ ഇന്ന് സമാപിക്കുന്നത്‌. ശൃംഖല തീർക്കുന്നതോടൊപ്പം ലഹരി വിരുദ്ധ പ്രതിജ്ഞയും ചൊല്ലും. പരിപാടിയിൽ എല്ലാവരും പങ്കാളികളാകണമെന്ന് തദ്ദേശവകുപ്പ് മന്ത്രി എം ബി രാജേഷ്‌ ആഹ്വാനം ചെയ്തു.
