ഇനി കാണപ്പൊറത് നിജം’… ഏറെക്കാത്തിരുന്ന വാലിബനും കൂട്ടരും വീട്ടിലേക്കെത്തുന്നു. തിയറ്ററിൽ തരഗം സൃഷ്ടിച്ച ലിജോ ജോസ് പെല്ലിശ്ശേരി-മോഹൻലാൽ ചിത്രം ‘മലൈക്കോട്ടൈ വാലിബൻ’ ഒ.ടി.ടി റിലീസിനൊരുങ്ങുന്നു. ചിത്രം ഈ മാസം 23ന് ഡിസ്നി പ്ലസ്-ഹോട്ട്സ്റ്റാറിലാണ് ചിത്രം റിലീസ് ചെയ്യുന്നത്. ‘ഇനി ഡിസ്നി പ്ലസ് ഹോട്ട്സ്റ്റാറിൽ കാണപ്പോറത് നിജം’ എന്ന കാപ്ഷനോടുകൂടിയാണ് ഹോട്ട്സാറ്റാർ റിലീസ് ഡേറ്റ് പുറത്തുവിട്ടത്.
ജനുവരി 25നാണ് ‘മലൈക്കോട്ടൈ വാലിബൻ’ റിലീസ് ചെയ്തത്. ഏറെ പ്രതീക്ഷയോടെയെത്തിയ ചിത്രം സമ്മിശ്ര പ്രതികരണമാണ് നേടിയത്. മോഹൻലാലിനു പുറമെ ഹരീഷ് പേരടി, സൊണാലി കുൽക്കർണി, ഡാനിഷ് സെയ്ത്, മനോജ് മോസസ്, കഥ നന്ദി, മണികണ്ഠൻ ആചാരി തുടങ്ങിയവരാണ് ചിത്രത്തിൽ അഭിനയിച്ചത്.
ഷിബു ബേബി ജോണിന്റെ ജോൺ ആൻഡ് മേരി ക്രിയേറ്റീവും കൊച്ചുമോന്റെ സെഞ്ച്വറി ഫിലിംസും അനൂപിന്റെ മാക്‌സ് ലാബ് സിനിമാസും ചേർന്നാണ് ചിത്രത്തിന്റെ നിർമാണം. തിരക്കഥ: പി എസ് റഫീക്ക്. കാമറ: മധു നീലകണ്ഠൻ. സംഗീതം: പ്രശാന്ത് പിള്ള.
