അബുദാബി അന്താരാഷ്ട്ര വിമാനത്താവളം പുനർനാമകരണം ചെയ്തു. അന്തരിച്ച ഷെയ്ഖ് സായിദ് ബിൻ സുൽത്താൻ അൽ നഹ്യാന്റെ പേരിലാകും ഇനി വിമാനത്താവളം അറിയപ്പെടുക.
പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ വിമാനത്താവളത്തിന്റെ ഔദ്യോഗിക നാമം സായിദ് ഇന്റർനാഷണൽ എയർപോർട്ട് എന്നാക്കി മാറ്റാൻ നിർദേശം നൽകി. വിമാനത്താവളത്തിന്റെ പുതിയ ടെർമിനൽ എ ബുധനാഴ്ച പ്രവർത്തനം ആരംഭിക്കുന്ന സാഹചര്യത്തിലാണ് ഇത്.
അബുദാബി ഗവൺമെന്റ് മീഡിയ ഓഫീസ് പറയുന്നതനുസരിച്ച്, “പുതിയ ടെർമിനൽ എയുടെ ഔദ്യോഗിക ഉദ്ഘാടന ചടങ്ങിനോട് അനുബന്ധിച്ച്” ഫെബ്രുവരി 9, 2024 മുതൽ പേര് മാറ്റം പ്രാബല്യത്തിൽ വരും.
