ബഹ്‌റൈൻ സന്ദർശിച്ച ഇന്ത്യൻ വിനോദസഞ്ചാരികളുടെ എണ്ണത്തിൽ വൻവർധനവ്. ഈ വർഷം ബഹ്‌റൈൻ സന്ദർശിച്ച ഇന്ത്യൻ വിനോദസഞ്ചാരികളുടെ എണ്ണത്തിൽ 87 ശതമാനം വർദ്ധനവ് രേഖപ്പെടുത്തിയതായി ബഹ്‌റൈനിലെ ഇന്ത്യൻ അംബാസഡർ വിനോദ് കെ ജേക്കബ് വ്യക്തമാക്കി. 2023-ലെ ആദ്യ പാദത്തിൽ അഞ്ച് ലക്ഷത്തിലധികം ഇന്ത്യൻ ടൂറിസ്റ്റുകൾ ബഹ്‌റൈൻ സന്ദർശിച്ചതായി അദ്ദേഹം പറഞ്ഞു.
കഴിഞ്ഞ വർഷം ഇതേ കാലയളവിൽ ഏകദേശം 2,75,000 ഇന്ത്യൻ ടൂറിസ്റ്റുകളാണ് ബഹ്‌റൈൻ സന്ദർശിച്ചത്. വിനോദസഞ്ചാരത്തിനും വാണിജ്യ ആവശ്യങ്ങൾക്കും പഠനാവശ്യങ്ങൾക്കുമായി ബഹ്‌റൈൻ സന്ദർശിക്കുന്നവരുടെ എണ്ണം വരും ദിവസങ്ങളിലും വർധിക്കുമെന്നും ഇരുരാജ്യങ്ങളും തമ്മിലുള്ള വാണിജ്യ – സാമ്പത്തിക ബന്ധങ്ങൾ ശക്തിപ്പെടുത്തേണ്ടതിന്റെ പ്രാധാന്യത്തെയും അദ്ദേഹം ചൂണ്ടിക്കാട്ടി.
