നടി വിൻസി അലോഷ്യസിന്റെ മേക്കോവർ ചിത്രമാണ് സമൂഹമാധ്യമങ്ങളിൽ വൈറലാകുന്നത്. വണ്ണം കുറച്ച് മെലിഞ്ഞ ലുക്കിലാണ് വിൻസി എത്തിയിരിക്കുന്നത്.
തന്റെ ആ വലിയ ദിവസത്തിന് വേണ്ടിയുള്ള മേക്കോവർ എന്ന അടിക്കുറിപ്പോടെയാണ് ഒരു സെൽഫി ചിത്രം ഇൻസ്റ്റഗ്രാമിൽ പങ്കുവച്ചത്. ഇന്നാണ് 2022 ലെ സംസ്ഥാന ചലച്ചിത്ര പുരസ്‌കാരങ്ങൾ വിതരണം ചെയ്യുന്നത്. ‘രേഖ’ എന്ന ചിത്രത്തിലൂടെ വിൻസി അലോഷ്യസ് ആണ് മികച്ച നടിക്കുള്ള പുരസ്കാരം നേടിയത്. വൈകിട്ട് 6 മണിക്ക് നിശാഗന്ധിയിൽ നടക്കുന്ന ചടങ്ങിൽ മുഖ്യമന്ത്രിയാണ് പുരസ്‌കാര വിതരണം ചെയ്യുക.
നായികാ നായകൻ എന്ന റിയാലിറ്റി ഷോയിലൂടെ കിരയർ ആരംഭിച്ചതാണ് വിൻസി അലോഷ്യസ്. വളരെ ചുരുക്കം ചില സിനിമകളിലൂടെ തന്റെ അഭിനയ പ്രകടനം കൊണ്ട് വിൻസി തന്റേതായ സ്ഥാനം നേടിയെടുത്തു.
