സാധാരണക്കാരന് പോലുമില്ലാത്ത വിനയവും ലാളിത്യവുമാണ് ദുബായ് കിരീടാവകാശിയായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന്. രാജകീയ പകിട്ടുകൾ ഇല്ലാതെ ലണ്ടനിലെ തെരുവിലൂടെ നടന്നു നീങ്ങിയ ഷെയ്ഖ് ഹംദാന്റെ വീഡിയോയാണ് ഇപ്പോൾ വൈറലാകുന്നത്. സാധാരണ പാന്റ്‌സും ടി ഷർട്ടും ജാക്കറ്റുമാണ് ഷെയ്ഖ് ഹംദാൻ ധരിച്ചിട്ടുള്ളത്.
ഷെയ്ഖ് ഹംദാന്റെ അടുത്ത സുഹൃത്ത് അഹ്മദ് ജാബർ അൽ ഹർബിയാണ് വീഡിയോ പങ്കുവെച്ചിരിക്കുന്നത്. ഡൗൺ സിൻഡ്രോം ഉള്ള ഒരു സ്ത്രീക്കൊപ്പം ഫോട്ടോയ്ക്ക് പോസ് ചെയ്യുകയാണ് കിരീടവകാശി. ലണ്ടനിൽവെച്ച് അവിചാരിതമായാണ് സ്ത്രീ ഷെയ്ഖ് ഹംദാനെ കണ്ടുമുട്ടിയത്. ഒട്ടും പ്രതീക്ഷിക്കാതെ മുൻപിൽ ദുബായ് കിരീടാവകാശിയെ കണ്ട ഞെട്ടലിലായിരുന്നു സ്ത്രീ.
ഹംദാനെ കണ്ടുമുട്ടിയ സ്ത്രീ കണ്ണീരോടെ കരയുന്നതും വീഡിയോയിൽ കാണാം. സ്ത്രീയുടെ തോളിൽ തട്ടി ആശ്വസിപ്പിക്കാൻ ശ്രമിക്കുകയാണ് ഷെയ്ഖ് ഹംദാൻ. ഒരു ഹാർട്ട് ഇമോജിക്കൊപ്പമാണ് അൽ ഹർബി തന്റെ ഇൻസ്റ്റാഗ്രാം സ്റ്റോറികളിൽ വീഡിയോ പങ്കിട്ടത്.@faz3 എന്ന ഇൻസ്റ്റാഗ്രാം ഹാൻഡിലായ 40 കാരനായ നേതാവിന് തന്റെ ഇൻസ്റ്റാഗ്രാം പേജിൽ 16 ദശലക്ഷത്തോളം ഫോളോവേഴ്‌സ് ഉണ്ട്. നിരവധിപ്പേരാണ് ഈ വിഡിയോ ഷെയർ ചെയ്തിരിക്കുന്നത്.
