ഡ്രംസിനുള്ളിൽ ലഹരിമരുന്ന് കടത്താൻ ശ്രമം, ഹ​മ​ദ്​ വി​മാ​ന​ത്താ​വ​ളത്തിൽ യാത്രക്കാരൻ കസ്റ്റംസ് പിടിയിൽ 

ഹ​മ​ദ്​ വി​മാ​ന​ത്താ​വ​ളം വ​ഴി സം​ഗീ​ത ഉ​പ​ക​ര​ണ​മാ​യ ഡ്ര​മ്സിനുള്ളിൽ ഒ​ളി​പ്പി​ച്ചു​ക​ട​ത്താ​ൻ ശ്ര​മി​ച്ച ല​ഹ​രി വ​സ്​​തു​ക്ക​ൾ പി​ടി​കൂ​ടി. യാ​ത്ര​ക്കാ​ര​ന്റെ ബാ​ഗേ​ജി​​​ലെ ഡ്ര​മ്സിനു​ള്ളി​ൽ സൂ​ക്ഷി​ച്ച 6.17 കി​ലോയോളം തൂ​ക്കം ​വ​രു​ന്ന ല​ഹ​രി ​മ​രു​ന്നാ​ണ്​ ഖ​ത്ത​ർ ക​സ്​​റ്റം​സ്​ ഉ​ദ്യോ​ഗ​സ്ഥ​ർ പി​ടി​കൂ​ടി​യ​ത്. സം​ശ​യം തോന്നി നട​ത്തി​യ പ​രി​ശോ​ധ​ന​യി​ലാണ് ല​ഹ​രി​വ​സ്തു​ക്ക​ൾ ക​ണ്ടെ​ത്തിയത്.

അതേസമയം ല​ഹ​രി ​വ​സ്​​തു​ക്ക​ൾ ഉ​ൾ​പ്പെ​ടെ നി​രോ​ധനം ഏർപ്പെടുത്തിയ വ​സ്​​തു​ക്ക​ൾ രാ​ജ്യ​ത്തേ​ക്ക്​ ക​ട​ത്ത​രു​ത്​ എ​ന്ന്​ ക​സ്​​റ്റം​സ്​ വി​ഭാ​ഗ​വും മ​റ്റും ആ​വ​ർ​ത്തി​ച്ച്​ മു​ന്ന​റി​യി​പ്പ്​ ന​ൽ​കുന്നുണ്ട്. ഇതിനിടെയായിരുന്നു ഇ​ത്ത​ര​ത്തി​ലു​ള്ള ക​ട​ത്ത് പിടികൂടിയത്. കൂടാതെ ഏ​റ്റ​വും മി​ക​ച്ച ഉ​പ​ക​ര​ണ​ങ്ങ​ൾ വ​ഴി യാ​ത്ര​ക്കാ​രെ​യും ബാ​ഗേ​ജു​ക​ളും പ​രി​ശോ​ധി​ക്കാ​ൻ സം​വി​ധാ​ന​മു​ള്ള ഹമദ് വി​മാ​ന​ത്താ​വ​ള​ത്തി​ൽ യാ​ത്ര​ക്കാ​രു​ടെ ശ​രീ​ര​ഭാ​ഷ നി​രീ​ക്ഷി​ക്കാനുള്ള സൗ​ക​ര്യ​വും ഏർപ്പെടുത്തിയിട്ടുണ്ട്. നി​രോ​ധി​ത വ​സ്​​തു​ക്ക​ൾ രാ​ജ്യ​ത്തേ​ക്ക്​ ക​ട​ത്താ​ൻ ശ്ര​മി​ക്കു​ന്ന​വ​ർ​ക്ക്​ ക​ടു​ത്ത ശി​ക്ഷ​യാ​ണ്​ ല​ഭി​ക്കു​ക എന്നും അധികൃതർ അറിയിച്ചു.