മനോജ് കെ. ജയൻ, മാത്യു തോമസ് എന്നിവരെ പ്രധാന കഥാപാത്രങ്ങളാക്കി ദിലീഷ് കരുണാകരൻ തിരക്കഥയെഴുതി സംവിധാനം ചെയ്യുന്ന ‘ലൗലി’ എന്ന സിനിമയുടെ ചിത്രീകരണം തൊടുപുഴയിൽ ആരംഭിച്ചു. ‘അപ്പൻ’ ഫിലിം ഫെയിം രാധിക, സ്വാതന്ത്ര്യം അർദ്ധരാത്രിയിൽ ഫെയിം അശ്വതി മനോഹരൻ, അരുൺ, ആഷ്‌ലി, പ്രശാന്ത് മുരളി, കെ.പി.എ.സി. ലീല, ഗംഗ മീര എന്നിവരാണ് മറ്റ് പ്രധാന താരങ്ങൾ.
നേനി എന്റർടൈൻമെന്റസ് പ്രൈവറ്റ് ലിമിറ്റഡിന്റെ സഹകരണത്തോടെ വെസ്റ്റേൺ ഗട്ട്സ് പ്രൊഡക്ഷൻസിന്റെ ബാനറിൽ ശരണ്യ സി. നായർ, ഡോക്ടർ അമർ രാമചന്ദ്രൻ എന്നിവർ ചേർന്നാണ് ചിത്രം നിർമ്മിക്കുന്നത്. ഈ ചിത്രത്തിന്റെ ഛായാഗ്രഹണം സംവിധായകനായ ആഷിഖ് അബു നിർവഹിക്കുന്നു. വിനായക് ശശികുമാർ എഴുതിയ വരികൾക്ക് വിഷ്ണു വിജയ് ആണ് സംഗീതം പകരുന്നത്.
എഡിറ്റർ കിരൺദാസ്, കോ പ്രൊഡ്യൂസർ പ്രമോദ് ജി. ഗോപാൽ, പ്രൊഡക്ഷൻ കൺട്രോളർ കിഷോർ പുറക്കാട്ടിരി, പ്രൊഡക്ഷൻ ഡിസൈനർ ജ്യോതിഷ് ശങ്കർ, മേക്കപ്പ് റോണക്‌സ് സേവ്യർ, കോസ്റ്റ്യൂം ഡിസൈനർ ദീപ്തി അനുരാഗ്, ആർട് ഡയറക്ടർ കൃപേഷ് അയ്യപ്പൻകുട്ടി, ചീഫ് അസോസ്സിയേറ്റ് ഡയറക്ടർ ഹരീഷ് തെക്കേപ്പാട്ട്, അസോസിയേറ്റ് ഡയറക്ടർ- സന്ദീപ്.
അലൻ, ആൽബിൻ, സൂരജ്, ബേയ്സിൽ, ജെഫിൻ എന്നിവരാണ് അസിസ്റ്റന്റ് ഡയറക്ടർമാർ. ഫിനാൻസ് കൺട്രോളർ ജോബീഷ് ആന്റണി. വിഷ്വൽ എഫക്റ്റ്സ് നിർവഹിക്കുന്നത് വിടിഎഫ് സ്റ്റുഡിയോയാണ്. സൗണ്ട് ഡിസൈൻ നിക്സൻ ജോർജ്ജ്. പരസ്യകല യെല്ലൊ ടൂത്ത്സ്. സ്റ്റിൽസ് ആർ. റോഷൻ, പ്രൊഡക്ഷൻ എക്സിക്യൂട്ടീവ് ബിജു കടവൂരാണ്. പ്രൊഡക്ഷൻ മാനേജർ-വിമൽ വിജയ്. ഒപിഎം സിനിമാസ് ആണ് വിതരണം. പിആർഒ എ.എസ്. ദിനേശ്.
