എയർ ഇന്ത്യ വിമാനം യാത്രക്കിടെ ആകാശ ചുഴിയിൽ പെട്ടു. ഏഴോളം പേർക്ക് പരിക്കേറ്റതായി അധികൃതർ അറിയിച്ചു. ഡൽഹിയിൽ നിന്ന് സിഡ്‌നിയിലേക്ക് പുറപ്പെട്ട എയർ ഇന്ത്യ വിമാനമാണ് ചുഴിയിൽ പെട്ടത്.
അതേസമയം സംഭവത്തിൽ സാരമായ പരിക്കുകളൊന്നും റിപ്പോർട്ട് ചെയ്തിട്ടില്ലെന്ന് അധികൃതർ അറിയിച്ചു. സിഡ്‌നി വിമാനത്താവളത്തിൽ എത്തിയ ശേഷം യാത്രക്കാർക്ക് വൈദ്യസഹായം നൽകിയതായും എയർ ഇന്ത്യാ വൃത്തങ്ങൾ അറിയിച്ചു. ആരെയും ആശുപത്രിയിൽ പ്രവേശിപ്പിച്ചിട്ടില്ല.
