യുഎഇ തിരയുന്ന ഭീകരൻ ഖലഫ് അബ്ദുൾ റഹ്മാൻ ഹുമൈദ് അൽ റുമൈത്തി ജോർദ്ദാനിൽ പിടിയിലായി. തീവ്രവാദ മുസ്ലീം ബ്രദർഹുഡുമായി ബന്ധമുള്ള ഒരു രഹസ്യ സംഘടന സ്ഥാപിച്ചുവെന്നാരോപിച്ചാണ് ഖലഫ് അബ്ദുൾ റഹ്മാൻ ഹുമൈദ് അൽ റുമൈത്തി പിടിയാലാകുന്നത്.
ഈ കേസിൽ കോടതി 15 വർഷം തടവിന് ശിക്ഷിച്ചിരുന്നു. 2013-ലാണ് യുഎഇയുടെ ഫെഡറൽ സുപ്രീം കോടതി അദ്ദേഹത്തിനും മറ്റുള്ളവർക്കും എതിരെ കേസ് നമ്പർ 79/2012-ൽ ആണ് 15 വർഷത്തെ ശിക്ഷ വിധിച്ചത്. ഖലഫ് അബ്ദുൾ റഹ്മാൻ ഹുമൈദ് അൽ റുമൈത്തി കോടതിയിൽ ഹാജരായിരുന്നില്ല.
യുഎഇ ക്രിമിനൽ പ്രൊസീജറൽ നിയമം അനുസരിച്ച്, ഹാജരാകാതെ വിധി പുറപ്പെടുവിച്ച കുറ്റാരോപിതനെ അറസ്റ്റ് ചെയ്യുകയോ അല്ലെങ്കിൽ അയാൾ സ്വയം തിരിയുകയോ ചെയ്താൽ, നിയമ വ്യവസ്ഥകൾക്കനുസൃതമായി, ഖലാഫ് അൽ-റുമൈത്തിയെ വീണ്ടും വിചാരണ ചെയ്യും. അറബ് രാജ്യങ്ങളിൽ ക്രിമിനൽ നീതിയിൽ നിന്ന് രക്ഷപ്പെടുന്ന കുറ്റവാളികളെ പ്രോസിക്യൂട്ട് ചെയ്യാൻ ചുമതലപ്പെടുത്തിയ അറബ് ആഭ്യന്തര മന്ത്രിമാരുടെ കൗൺസിലിന്റെ നിയമപരവും ജുഡീഷ്യൽ സഹകരണവുമായി ബന്ധപ്പെട്ട കരാറുകളും ഇയാൾക്കെതിരെ പുറപ്പെടുവിച്ച അറസ്റ്റ് വാറന്റിന് അനുസരിച്ചാണ് ഭീകരനെ കൈമാറുന്നതിനുള്ള നടപടിക്രമങ്ങൾ നടത്തിയത്.
